Проектот Култура за развој објавува Повик за поднесување предлог-проекти за доделување грантови во рамките на Програмата за размена на знаење преку работа (Job Shadowing Scheme), која има за цел градење капацитети и структуриран трансфер на знаење. Целта на овој повик е да се изградат капацитетите на културните и уметничките професионалци и организации во Република Северна Македонија нудејќи им практични можности за обука на работното место преку учење од практиката.
Информации за проектот „Култура за развој“
Проектот „Култура за развој“ е сеопфатна, долгорочна интервенција во областа на културата и уметноста во Република Северна Македонија. Тој e поддржан од Владата на Швајцарија и се спроведува од страна на Хартефак Фонд, а ќе се имплементира од крајот на 2024 година до крајот на 2028 година. Проектот има за цел да придонесе за растот на уметноста и обликувањето на општествено-политичките норми, препознавајќи ја културата како витална алатка за поттикнување поотворено, демократско и меѓусебно поврзано општество.
Кој МОЖЕ да аплицира?
- Културни и уметнички организации;
- Уметнички колективи и иницијативи;
- Граѓански организации коишто вршат културни и уметнички активности, дури и ако тоа не е нивна примарна област на активност;
- Други правни лица активни во уметноста и културата (независни фондации, донации, друштва со ограничена одговорност и/или претприемачи).
Апликантот мора да биде регистриран како правно лице во Централниот регистар на Република Северна Македонија.
Тематски приоритети
Нема однапред дефинирани тематски приоритети за овој повик. Пристапот е воден од побарувачката и е дизајниран да одговори на специфичните потреби и интереси на културните професионалци и организации. Апликантите се охрабруваат да дефинираат свои области на фокус врз основа на своите цели, предизвици и развојни приоритети.
Активностите коишто се подобни за финансирање можат да вклучат:
- Заедничко истражување иновативни уметнички и/или културни практики преку заедничко создавање културно или уметничко дело/продукција (или повеќе дела) со изразена едукативна димензија.
- Можности за вмрежување, кои се директно поврзани со целите за учење на job shadowing размeната;
- Унапредување на компетенциите и професионален развој (меѓусебна размена, менторство, обука на работното место, работилници, набљудување на работниот процес итн.);
- Насочено истражување и подготовчка работа директно поврзана со идната соработка или организациски развој.
Износ на грантот
Максималните расположливи средства за финансирање за реализација на еден проект се до 178.500 денари. Максималното времетраење на размената на знаење преку работа е 4 недели.
Како се аплицира?
Повеќе информации за повикот, процесот на аплицирање и сите неопходни обрасци за аплицирање може да најдете на нашата веб страница:
MK – Програма за размена на знаење преку работа – Heartefact
ALB – Skema e job shadowing – Heartefact
EN – Job Shadowing Scheme – Heartefact
Рок за аплицирање
Апликациите се прифаќаат постојано и се оценуваат на квартално ниво додека повикот не се затвори.
Сите задолжителни документи за аплицирање треба да бидат поднесени [email protected]
Доколку имате прашања, можете да не контактирате на: [email protected].
КЛУЧНИ ИНФОРМАЦИИ – ПРЕД ДА ЈА ПОДНЕСЕТЕ АПЛИКАЦИЈА (ВЕ МОЛИМЕ ПРОЧИТАЈТЕ)
Овaa Програма за размена на знаење преку работа (Job Shadowing) го поддржува професионалниот и организацискиот развој преку структурирано учење на работното место и пренос на знаење.
Ве молиме аплицирајте само ако вашиот предлог-проект вклучува:
- Јасно дефинирана цел за учење (кои вештини или капацитети ќе се развиваат).
- Структуриран процес на размената на знаење преку работа (заснован на менторство, набљудување, менторирани задачи).
- Јасен план за учење со очекувани резултати за професионален развој.
Овој повик не поддржува:
- Стандардни пракси, рутински работни позиции или административни улоги.
- Апликации кои главно имаат за цел покривање на трошоци за канцеларија или управување.
- Уметнички продукции или активности без силна компонента за учење и развој на капацитети.
Трошоците поврзани со канцеларијата можат да се покријат само во исклучителни случаи, мора да бидат директно поврзани со процесот на учење и јасно образложени.
Ова е отворен повик со континуирано поднесување на апликации. Предлозите се оценуваат на квартално ниво, а апликантите се известуваат за резултатите во рок од еден месец по завршувањето на секој циклус на евалуација.