Целта на повикот е да се изградат капацитетите на културните и уметничките професионалци и организации во Рпублика Северна Македонија преку структуриран, временски ограничен job shadowing модел и процеси на учење на работното место кои директно придонесуваат за професионалниот и организацискиот развој.
Проектот Култура за развој објавува Повик за поднесување предлог-проекти за доделување грантови во рамките на Програмата за размена на знаење преку работа (Job Shadowing Scheme), која има за цел градење капацитети и структуриран пренос на знаење ориентиран кон резултати.
Целта на овој повик е да се изградат капацитетите на културните и уметничките професионалци и организации во Република Северна Македонија нудејќи им практични можности за обука на работното место преку учење од пракса. Со овозможување на овие меѓусебни размени преку директно, практично искуство, програмата им овозможува на професионалците да ги развијат своите вештини, да го продлабочат своето разбирање за културниот сектор и да поттикнат идни соработки.
Овој повик има за цел да ги поддржи иницијативите коишто промовираат учење на работното место и размена на знаење помеѓу помалку искусни културни работници или организации и поетаблирани професионалци или организации, со цел да се развијат професионални компетенции, да се поттикнат идни соработки и да се одговори на специфичните развојни потреби во рамките на културниот сектор.
Програма за размена на знаење преку работа (Job shadowing) не е класична пракса или привремен ангажман, туку структурирано учење преку работа во реална работна средина, со јасни цели и видлив напредок во знаењата и вештините.
Овој повик поттикнува развој на практични вештини, меѓуорганизациска соработка, долгорочни партнерства и посилни врски помеѓу новите и веќе етаблираните културни актери, што на крајот придонесува за поотпорна и кохезивна културна средина во Република Северна Македонија. Размената на знаење преку работа е одржлив и ефикасен начин за градење капацитети, бидејќи промовира значајна соработка приспособена на специфичните потреби и цели и на учесниците и на организациите-домаќини.
Размената на знаење преку работа може да се спроведе преку два главни модели:
● Модел на практикантство: Отворен за помалку искусни културни работници од Република Северна Македонија (практиканти) кои се вклучуваат во јасно структуриран процес на учење под менторство од страна на организацијата-домаќин. Овој модел не е наменет за финансирање на стандардни практики, рутински работни позиции или административни улоги.
● Модел на обука на работното место: Во рамките на овој модел, организацијата е домаќин на експерт, којшто придонесува за подобрување на квалитетот и ефективноста на работата на организацијата и перформансите на вработените преку менторство, пренос на вештини и насочени активности за развој на капацитети.
Проектот „Култура за развој“ ги вклучува родовата еднаквост, различноста, социјалната вклученост, животната средина и децентрализацијата во сите аспекти на неговите активности и управување. Родовата еднаквост е задолжителен критериум за грант, којшто бара од апликантите да покажат како нивните проекти го промовираат овој приоритет. Различноста и социјалната инклузија треба да се фокусираат на поддршка на младите и жените и другите маргинализирани групи.
Кој МОЖЕ да аплицира?
● Културни и уметнички организации;
● Уметнички колективи и иницијативи;
● Граѓански организации коишто вршат културни и уметнички активности, дури и ако тоа не е нивна примарна област на активност;
● Други правни лица активни во уметноста и културата (независни фондации, донации, друштва со ограничена одговорност и/или претприемачи).
Услови:
● Апликантот треба да биде регистриран како правно лице во Централниот регистар на Република Северна Македонија;
● Организацијата треба да биде регистрирана во согласност со законите на Република Северна Македонија;
● Апликантите вклучени во спроведувањето на проектот треба да имаат претходно искуство во реализација на културни и уметнички проекти, со исклучок на организации вклучени како партнери во проектот чијшто фокус можеби не е на културата и уметноста.
Кој НЕ МОЖЕ да аплицира:
● Апликанти и/или поединци коишто на кој било начин поддржуваат или поддржувале дискриминаторски, радикални, насилни, расистички или националистички однесувања и ставови;
● Апликанти коишто не се регистрирани во согласност со законите на Република Северна Македонија;
● Апликанти коишто не ги подмириле своите законски обврски во врска со јавни придонеси, даноци и давачки;
● Политички, верски организации и организации основани од религиозни и верски организации;
● Физички лица;
● Културни институции основани од Република Северна Македонија или од единици на локалната самоуправа;
● Претставништва на странски организации регистрирани во Република Северна Македонија.
Овој повик има за цел да ги зајакне капацитетите на културните и уметничките професионалци и организации преку поддршка на структуирани job shadowing размени кои директно придонесуваат за професионалниот и организацискиот развој.
Грантовите за размена на знаење преку работа обезбедуваат поддршка за помалку искусни културни работници од Република Северна Македонија да можат да учат од етаблирани домаќини или за искусни професионалци да ја споделуваат својата експертиза со организациите домаќини од Република Северна Македонија. Овој флексибилен пристап, којшто се води од побарувачката, им овозможува на учесниците да избираат партнери врз основа на своите специфични цели, обезбедувајќи релевантна, приспособена и влијателна размена.
Тематски приоритети: Нема однапред дефинирани тематски приоритети за овој повик. Пристапот е воден од побарувачката и е дизајниран да одговори на специфичните потреби и интереси на културните професионалци и организации. Апликантите се охрабруваат да дефинираат свои области на фокус врз основа на своите цели, предизвици и развојни приоритети.
Активностите коишто се подобни за финансирање можат да вклучат:
– Заедничко истражување иновативни уметнички и/или културни практики преку заедничко создавање културно или уметничко дело/продукција (или повеќе дела) со изразена едукативна димензија.
– Можности за вмрежување, кои се директно поврзани со целите за учење на job shadowing размeната;
– Унапредување на компетенциите и професионален развој (меѓусебна размена, менторство, обука на работното место, работилници, набљудување на работниот процес итн.);
– Насочено истражување и подготовчка работа директно поврзана со идната соработка или организациски развој.
Максималните расположливи средства за финансирање за реализација на еден проект се до 178.500 денари. Максималното времетраење на размената на знаење преку работа е 4 недели.
Сите задолжителни документи за аплицирање треба да бидат поднесени преку [email protected]. Апликациите се прифаќаат континуирано. Нема фиксни рокови за поднесување.
Предмет на е-пошта: Референтен број на повикот- Име на организацијата
Задолжителни документи за аплицирање:
Предлог-проект (со печат и потпис)
Предлог-буџет (во Ексел)
Тековна состојба не постара од 6 месеци
Документите за аплицирање се достапни на македонски, албански и англиски јазик.