Оваа пролет Скопје ќе прерасне во динамичен центар за културен дијалог. Од 14ти до 16ти Мај 2026 година, Хартефакт Фонд. Северна Македонија ќе биде домаќин на Форумот Култура за развој, настан посветен на визионерите кои го одржуваат жив независниот дух на Западен Балкан и Европа.
Овој Форум е нашиот колективен одговор на предизвиците со кои се соочуваат независните уметници и културни организации. Тој претставува простор каде, преку заедничка одговорност и прекугранична соработка, повторно ќе ја потврдиме вредноста на културата. Во Хартефакт Фонд. веруваме дека оваа независна практика е многу повеќе од само „уметност“, таа е јавно добро и главна движечка сила на едно отпорно и инклузивно општество.
Дел од Форумот „Култура за развој“ е и BEYOND – Сателитот за Југоисточна Европа при мрежата CAE (Culture Action Europe). Овој дел од настанот замислен како простор за отворен дијалог, критичко размислување и суштински промени, кој ги обединува независните културни работници, мрежите и креаторите на културни политики од Западен Балкан и Европа. Организиран од Хартефакт Фонд. во тесно партнерство со Clubture (Хрватска), Platforma Kooperativa (Регионална мрежа), A25 (Бугарија) и Euradia Italia (Италија), целта на овој настан е да обезбеди силен и обединет настап на нашиот регион, претворајќи ги нашите заеднички идеи во вистинска стратешка сила
Во текот на овие три дена во Скопје, нема само да теоретизираме за културните политики. Нашата цел е да ги утврдиме заедничките приоритети и да изградиме обединет став кој ќе донесе вистински системски промени и ќе го подобри статусот на уметниците на европско ниво. Ќе отвориме суштински прашања за состојбата на уметноста низ цела Европа, без разлика дали е внатре или надвор од ЕУ, почнувајќи од стабилно финансирање и фер работни услови, преку мобилноста на уметниците, па сè до долгорочниот опстанок и отпорност на независниот културен сектор.
Ве покануваме да бидете дел од овој процес каде соработката не познава граници, а независната култура ќе го најде своето заслужено место во центарот на европскиот екосистем.
Аплицирајте на линкот тука и бидете со нас од 14 до 16 мај во Скопје.