Heartefact Fund има потреба од Финансискиот и административен асистент за грантови за поддршка на имплементацијата на проектот Култура за Развој во Република Северна Македонија. Проектот е поддржан од Владата на Швајцарија, а се имплементира од страна на Хратефакт Фонд од крајот на 2024 година до крајот на 2028 година.
Проектот Култура за развој претставува сеопфатна, долгорочна интервенција во областа на културата и уметностите во Република Северна Македонија. Во рамките на Швајцарската програма за соработка во Република Северна Македонија за 2025–2028 година, проектот ги препознава културните права, вклучително и пристапот до уметноста и културата, како основни човекови права и моќни овозможувачи на инклузивен општествен развој, граѓанско учество и демократски ангажман.
Како прв долгорочен инструмент за поддршка во областа на уметноста и културата во Република Северна Македонија, проектот „Култура за развој“ има за цел да ги надгради постоечките културни ресурси, да го подобри локалното знаење и да го отклучи креативниот потенцијал, особено на независната културна сцена. Проектот има за цел да придонесе за растот на уметноста и обликувањето на општествено-политичките норми, препознавајќи ја културата како витална алатка за поттикнување поотворено, демократско и меѓусебно поврзано општество. Тој, исто така, игра клучна улога во социјалната кохезија и инклузивниот развој, истакнувајќи ја трансформативната моќ на културата во промовирањето на демократските процеси, поттикнувањето на социјалниот дијалог и унапредувањето на општествените промени.
Општата цел на проектот „Култура за развој“ е да осигури дека независниот, разновиден и инклузивен културен сектор ги обликува и ги штити демократските вредности, промовира инклузивни општествени промени и ја зајакнува социјалната кохезија.
Клучни одговорности:
- Проценка на апликациите за грантови од финансиски aспект, во насока на гарантирање на нивната комплетноста, точноста и усогласеноста со барањата на проектот;
- Подготовка на документацијата за исплати на грантови, поддршка при составување на финансиски извештаи и водење на организирана евиденција за финансиските трансакции;
- Обезбедување на насоки и континуирана комуникација со корисниците на грантови со цел зајакнување на нивниот капацитет за финансиско управување и обезбедување на правилно користење на средствата од грантот;
- Извршување на секојдневните административни и оперативни задачи поврзани со грантови, обезбедување на непречен тек на работата и почитување на процедурите на проектот;
- Помагање во процедурите за набавки во согласност со барањата на проектот и донаторот;
- Поддршка на финансиско-административниот координатор за грантови во одржувањето на финансиската точност, стандардите за известување и почитување на прописите за проекти, донатори и ревизија.
Клучни квалификации и вештини:
- Најмалку 5 години релевантно континуирано работно искуство на финансиски и административни позиции;
- Солидно познавање на финансиските правила, процедури и регулативи што се применуваат за организациите кои работат според законската рамка на Северна Македонија;
- Искуство со проекти финансирани од донатори ќе се смета за дополнителна предност;
- Запознаеност со финансиската документација, стандардите за известување и барањата за усогласеност со донаторите;
- Високо ниво на интегритет, силна посветеност кон резултатите и стремеж кон совршенство, со способност за преземање иницијатива;
- Добри комуникациски и меѓучовечки вештини;
- Компјутерска писменост, вклучително и познавање на финансиски софтвер и алатки;
- Одлично познавање на англискиот јазик (говорен и пишан).
Ги покануваме заинтересираните кандидати да испратат кратко мотивациско писмо за пријавување, биографија (CV) со вклучени две имиња и контакти за лица кои би дале препораки, на следнава адреса: [email protected] најдоцна до 28 ноември 2025, со назнака „Апликација за Финансиски и административен асистент за грантови “.
Само кандидатите кои ќе влезат во потесниот избор ќе бидат известени за резултатите во рок од 7 дена по истекот на рокот за аплицирање.