18–19 декември 2025
Хотел Глориус, Велес
Heartefact Fund ги кани културните работници од независната сцена од Северна Македонија да се пријават за дводневна работилница фокусирана на практични вештини за развој на публика. Активноста е поддржана од проектот „Култура за развој“ на Владата на Швајцарија и е имплементирана од Heartefact Fund. Проектот има за цел да придонесе кон развојот на уметноста и обликувањето на општествено-политичките норми, препознавајќи ја културата како клучна алатка за поттикнување поотворено, подемократско и меѓусебно поврзано општество.
За работилницата
Работилницата нуди алатки за истражување, мапирање, ангажирање и ко-креирање на публика. Преку интерактивни сесии и практични вежби, учесниците ќе ги применуваат методите директно на своите тековни проекти и организациски предизвици. Работниот јазик е англиски, напредно ниво на користење е препорачано.
За фасилитаторката
Работилницата ќе биде водена од Луизела Карнели, искусна истражувачка во Fondazione Fitzcarraldo, водечка италијанска институција специјализирана за културен менаџмент, политики и развој на публика. Таа има обемна експертиза во ангажирање на публика, учество и евалуација на културни проекти.
Што ќе стекнете
- Алатки/методи за идентификација и разбирање на целната публика
- Нискобуџетни и ефикасни пристапи за допирање до нова и разновидна публика
- Пристапи за ко-креирање програми со заедниците
- Алатки за дизајнирање инклузивни пристапи чувствителни на различни социјални и географски контексти
За повикот
Овој повик е отворен за 20–25 културни професионалци, индивидуално или како претставници на културни организации, културни/социјални центри, фестивали, уметнички здруженија и независни иницијативи. Учесниците треба да бидат вклучени во проектно/програмско управување, комуникации или ангажман со заедницата, и се охрабруваат да донесат примери од нивната тековна работа за да се збогати практичниот, процес на учење.
Логистика:
Сите трошоци за работилницата (превоз, сместување, храна и партиципација) ги покрива Хартефакт фонд. Учеството е по принцип „прв дојден – прв услужен“.
За да се пријавите, пополнете ја апликацијата до 11 декември 2025: Линк
