Рок за пријава: 21 ноември 2025
Почеток: Декември 2025
Траење: 3–6 месеци (платена пракса)
Хартефакт ги повикува младите, амбициозни и љубопитни личности да аплицираат за 3–6 месечна платена пракса во тимот на Институтот – простор кадешто знаењето, истражувањето и регионалната соработка се спојуваат за да создадат нови начини на разбирање на светот во кој живееме.
За Хартефакт
Хартефакт е регионална, интердисциплинарна организација со канцеларии во Белград, Приштина и Скопје. Ние ги обединуваме уметноста, културата, човечките права и регионалната соработка преку иновативни и критички пристапи — од театар и истражувачки програми, до иницијативи за размена и грантови програми за помали организации. Нашиот труд се темели на вредностите на слободата, еднаквоста, емпатијата и имагинацијата. Веруваме во дијалог, храброст и креативност како алатки за создавање поотворено и инклузивно општество.
За Институтот
Хартефакт Институт е програмски столб во кој знаењето се собира, испитува и споделува. Поддржуваме истражување, учење и соработка низ целиот регион, со фокус на човековите права, историското наследство и современите социјални прашања. Работиме со поединци и организации кои се желни да размислуваат критички, да дејствуваат одговорно и да креираат корисни решенија за сложени социјални предизвици. Во нашиот Институт ги цениме интелектуалната самосвест, љубопитноста и храброста, и на учењето гледаме како на процес што трае цел живот и се остварува во соработка.
Кого бараме
Бараме млади луѓе на почетокот од нивното професионално патување — оние кои се стремат кон одличност, сакаат практично искуство и сакаат да дадат значаен придонес во светот околу нив.
Можеби сте вистинската личност ако:
- Сте постари од 18 години;
- Сте студент или неодамна сте дипломирале;
- Говорите и пишувате англиски на професионално ниво и барем еден локален јазик (српски, албански или македонски);
- Ве интересираат теми поврзани со култура, уметност, социјални промени, човекови права и регионална соработка;
- Ги цените критичкото размислување, тимската работа и креативноста;
- Имате интерес или разбирање за дигитални платформи, социјални медиуми и онлајн комуникација.
Што нудиме
- Платена пракса во интердисциплинарна и инспиративна регионална организација;
- Можност да учите од и да работите со искусни професионалци;
- Увид во разновидните програми на Хартефакт — од истражување до културна продукција и активизам;
- Простор за личен раст, учење и креативност во поддржувачка и инклузивна средина.
Како да аплицирате
Пратете го вашето CV и мотивационо писмо (до една страница) на: [email protected] со предметна на пораката: HF Internship – team Institute – [Вашето Име] [Вашето Презиме].
Рок: 21 ноември 2025
Охрабруваме апликации од лица од сите позадини, идентитети и заедници, кои ја споделуваат посветеноста на Heartefact кон отвореност, љубопитност и општествена одговорност.
Придружете ни се и направете ги вашите први професионални чекори во простор кадешто креативноста се среќава со целта.
