Грантовите за културни и уметнички проекти се доделени за развој и спроведување на општествено релевантни современи уметнички проекти коишто придонесуваат за збогатување на културата и промовираат различност во уметничките практики и изрази, решаваат критични општествени прашања и поттикнуваат развој на заедницата.
Во рамките на овој повик проектот „Култура за развој“ прими вкупно 180 проектни апликации, од кои 19 беа одобрени за финансирање. Вкупниот износ предложен за финансирање е 14,164,173 MKD, а предложената поддршка по проект се движи помеѓу 395,270 МКД и 857,058 МКД. Организациите чии проекти се предложени за финансирање доаѓаат од шест градови од Северна Македонија, но активностите наведени во овие проекти ќе се спроведуваат во уште 17 места ширум земјата, вклучувајќи градови, општини и села, покривајќи шест од осумте плански региони на Северна Македонија.
Разновидноста на поддржаните проекти не се гледа само во нивната географската дистрибуција, туку и во уметничките дисциплини и културни активности, со проекти кои се фокусираат на: театар и изведувачки уметности, визуелни уметности, јавна и улични уметности, фотографија, архивирање и издаваштво, авторска музика, филмска продукција и критика, анимација и други интердисциплинарни уметности. Проектите опфаќаат теми како што се правото на култура и уметност на младите, маргинализираните групи, луѓето од руралните средини и младите со атипичен развој, родова еднаквост, соочување со траума, интер/трансгенерациски дијалог, екологија, децентрализација и културна разновидност.
Организациите кои добија поддршка во рамки на првиот повик за реализација на културни и уметнички проекти се:
- Друштво за филмска продукција, дистрибуција, маркетинг, трговија и услуги МИНИМАЛ КОЛЕКТИВ ДООЕЛ Скопје (Проект „Преку тишината“): 850,752 МКД
- Здружение за афирмација на театарската уметност ПРЕСВРТ Скопје (Проект „Ангели во Америка“): 857,058 МКД
- Здружение за култура и уметност АТРИУМ ХАБ Скопје (Проект „Предочени различности): 837,972 МКД
- Здружение на граѓани за поддршка, промоција и развој на филмот, филмска култура и филмско образование КИНО БАЛКАН Скопје (Проект „Филмски дијалози на младите – BFF Македонија“): 854,420 МКД
- Здружение за поддршка и третман на лица за аутистичен спектар и атипичен спектар ВО МОЈОТ СВЕТ – Скопје (Проект „Огледала на мојот свет“): 856,418 МКД
- Фондација Божиновски, Битола (Проект „Прва уметничка бригада“): 768,389 МКД
- Коалиција сексуални и здравствени права на маргинализирани заедници МАРГИНИ Скопје (Проект „Анархични тела“): 857,058 МКД
- Друштво за информатички услуги ТАСЕИ ДООЕЛ Скопје (Проект „Женски ЗЕМЈОТРЕС Битола – фестивал на свежа домашна музика“): 855,960 МКД
- Друштво за услуги, трговија и издавштво ИЛИКА ДОО Скопје (Проект „Ние сме овде. 20 години архива на независната културна сцена 2006-2026“): 640,205 МКД
- Самостоен уметник дизајнер, ТП КАПКА ДИЗАЈН Јана Стеван Ацевска, Скопје (Проект „Ткаени идентитети / од Жупа до светот“): 681,840 МКД
- Иницијатива за граѓански интеграции ИГИ Гостивар (Проект „Гостивар низ нашите очи“): 605,312 МКД
- Здружение ФОРУМ ЗА АВАНГАРДНА КРЕАТИВНОСТ Прилеп (Проект „Педали и приказни“): 526,745 МКД
- Друштво за филмска и аудио, визуелна продукција МАШИНА ПРОДАКШН ДООЕЛ Скопје (Проект Интимен ситуациски театар „Непожелни разговори“): 685,134 МКД
- Здружение Центар за современа уметност и култура – АТО Битола (Проект „КУЈНА“): 856,418 МКД
- Здружение на граѓани за локален уметнички и културен развој АРТ ЕКВИЛИБРИУМ Гевгелија (Проект „ZiNRG (Zinergy/Зинергија) – Платформа за алтернативно издаваштво“): 853,124 МКД
- Здружение за култура и уметност АРТ-МАНИЈА Куманово (Проект „Гласот на крајбрежјето“): 842,792 МКД
- Друштво за трговија и услуги БРЕНД СОЛУШН ДООЕЛ Скопје (Проект „Под исто платно: инклузија низ уметноста“): 680,523 МКД
- Здружение за културно-уметнички дејности, промоција на театарската уметност и едукација ТЕАТАР ЗЛАТЕН ЕЛЕЦ Скопје (Проект „ТЕОРЕМА според Пјер Паoлo Пазoлини“): 658,783 МКД
- Друштво за продукција и постпродукција на видео и филм СИНЕМА ФУТУРА ДООЕЛ Скопје (Проект „Татковина: Споменик на Слободата – Анимација и музика“): 395,270 МКД
Проектот „Култура за развој“ има за цел да придонесе за растот на уметноста и обликувањето на општествено-политичките норми, препознавајќи ја културата како витална алатка за поттикнување поотворено, демократско и меѓусебно поврзано општество. Првата фаза на проектот трае од крајот на 2024 година до крајот на 2028 година, тој е поддржан од Владата на Швајцарија, а го спроведува Хартефакт фонд.