Reconnection
Programi Reconnection i Heartefact-it është i përkushtuar ndaj nxitjes së mirëkuptimit dhe bashkëpunimit ndërmjet shoqërive serbe dhe kosovare. Që nga themelimi i Heartefact-it. Recconecion programi ka qenë në ballë të përpjekjeve për të ndërtuar ura dhe për të kultivuar lidhje kuptimplota në mes të tensioneve politike dhe përçarjeve etnike. Programi ofron një platformë për shkëmbim kulturor, produksione teatrale, botime librash, ekspozita, projekte filmike, konferenca, punëtori, grante dhe iniciativa të ndryshme kulturore dhe arsimore që synojnë prishjen e barrierave.
Gjatë një dekate e gjysmë, mbështetja e kontakteve ndërnjerëzore ka qenë një segment thelbësor i këtij programi, i cili është lehtësuar përmes formave të ndryshme vizitash, shkëmbimesh dhe mundësish bashkëpunimi. Deri më tani, programi ka mbështetur shkëmbimin e më shumë se 10 shfaqjeve teatrale midis Kosovës dhe Serbisë për herë të parë që nga konflikti i armatosur i viteve 1998–1999, i cili ka mundësuar takime të më shumë se 600 personave me prejardhje dhe mosha të ndryshme përmes programeve të shkëmbimit, dhe ka mbështetur mbi 50 shkëmbime artistësh përmes programeve të rezidencës. Tre libra janë përkthyer nga gjuha shqipe në serbisht dhe janë mbajtur një numër i madh konferencash që kanë diskutuar përmirësimin e marrëdhënieve ndërmjet dy shoqërive.
Ne jemi veçanërisht krenarë për Shkollën e Kosovës, një program unik i Heartefact-it, të cilin e kanë përfunduar me sukses 110 pjesëmarrës, të rinj shqiptarë dhe serbë, nga viti 2019 deri më 2022. Përveç komponentit arsimor dhe vizitave studimore në Prishtinë dhe Beograd, Shkolla e Kosovës ka prodhuar edhe botime të përbashkëta, konferenca për të rinjtë dhe projekte bashkëpunuese, përfshirë iniciativën “Media Voices”, e cila lidhte gazetarë të rinj nga Kosova dhe Serbia.
Aktualisht, programet Kosovo-Serbia Visiting dhe Fellowship janë duke u zbatuar si pjesë e programit të Reconnection.
Në nëntor të vitit 2024, OJQ Heartefact në Kosovë u themelua si organizatë e pavarur me misionin për të mbështetur Rrjetin Rajonal Heartefact, duke forcuar më tej angazhimin afatgjatë në rajon dhe përkushtimin për zhvillimin e programeve në të gjithë Ballkanin Perëndimor. Heartefact ka selinë në Prishtinë dhe do të jetë përgjegjëse për programet artistike, hulumtuese dhe mbështetëse.
