Qëllimi i thirrjes është të ndërtojë kapacitetet e profesionistëve dhe organizatave kulturore dhe artistike në Republikën e Maqedonisë së Veriut duke u ofruar mundësi praktike të trajnimit në punë përmes mësimit nga praktika, proceseve të strukturuara të “job shadowing” dhe të të mësuarit në vendin e punës, të cilat kontribuojnë drejtpërdrejt në zhvillimin profesional dhe organizativ.
Projekti Kultura për Zhvillim ka hapur Thirrjen për paraqitjen e propozimeve për ndarjen e granteve në kuadër të Skemës së Vëzhgimit në Punë (Job Shadowing Scheme), e cila synon ndërtimin e kapaciteteve dhe transferim njohurish me fokus tek rezultatet.
Qëllimi i thirrjes është të ndërtojë kapacitetet e profesionistëve dhe organizatave kulturore dhe artistike në Republikën e Maqedonisë së Veriut duke u ofruar mundësi praktike të trajnimit në punë përmes mësimit nga praktika. Duke lehtësuar këto shkëmbime nga kolegë përmes përvojës së drejtpërdrejtë dhe praktike, programi u mundëson profesionistëve të zhvillojnë aftësitë e tyre, të thellojnë të kuptuarit e tyre për sektorin kulturor dhe të nxisin bashkëpunimet e ardhshme.
Kjo thirrje synon të mbështesë iniciativat që promovojnë të mësuarit në punë dhe shkëmbimin e njohurive midis punëtorëve ose organizatave kulturore me më pak përvojë dhe profesionistëve ose organizatave më të etabluara, në mënyrë që të zhvillojnë kompetenca profesionale, të nxisin bashkëpunimet e ardhshme dhe t’i përgjigjen nevojave specifike të zhvillimit brenda sektorit kulturor.
Për dallim nga praktikat e zakonshme, punësimi afatshkurtër ose mbështetja operacionale, “Job Shadowing” ofron një proces të qartë të të mësuarit në një mjedis pune real, me rezultate profesionale të matshme.
Kjo thirrje inkurajon zhvillimin e aftësive praktike, bashkëpunimin ndër-organizativ, partneritetet afatgjata dhe lidhjet më të forta midis aktorëve të rinj dhe të afirmuar kulturorë, duke kontribuar në fund të fundit në një mjedis kulturor më rezistent dhe koheziv në Republikën e Maqedonisë së Veriut. Vëzhgimi në punë është një mënyrë e qëndrueshme dhe efektive për ndërtimin e kapaciteteve, pasi promovon bashkëpunim kuptimplotë të përshtatur sipas nevojave dhe qëllimeve specifike si të pjesëmarrësve ashtu edhe të organizatave pritëse.
Vëzhgimi në punë – Job Shadowing mund të zbatohet përmes dy modeleve kryesore:
● Modeli i praktikës: I hapur për punëtorët kulturorë me më pak përvojë nga Republika e Maqedonisë së Veriut (kandidatët) të cilët do të fitojnë përvojë të vlefshme pune nga organizata pritëse dhe stafi i saj. Ky model nuk ka për qëllim të financojë praktika të punës standarde, pozita pune rutinore ose pozita administrative.
● Modeli i trajnimit në punë: Kur organizata punon dhe bashkëpunon me një ekspert, i cili kontribuon në rritjen e cilësisë dhe efektivitetit të punës së organizatës dhe performancës së stafit përmes mentorimit, transferimit të aftësive dhe aktiviteteve të synuara për zhvillimin e kapaciteteve, si dhe përmes shkëmbimit të njohurive dhe përvojës.
Projekti Kultura për Zhvillim përfshin barazinë gjinore, diversitetin, përfshirjen sociale, mjedisin dhe decentralizimin në të gjitha aspektet e aktiviteteve dhe menaxhimit të tij. Barazia gjinore është një kriter i detyrueshëm i granteve, që kërkon që aplikantët të demonstrojnë se si projektet e tyre e promovojnë këtë prioritet. Diversiteti dhe përfshirja sociale duhet të përqendrohen në mbështetjen e të rinjve dhe grave, dhe grupeve të tjera të margjinalizuara.
Kush MUND të aplikojë:
● Organizatat kulturore dhe artistike;
● Kolektive dhe iniciativa artistike;
● Organizatat e shoqërisë civile që kryejnë aktivitete kulturore dhe artistike, edhe nëse kjo nuk është fusha e tyre kryesore e veprimtarisë;
● Persona të tjerë juridikë aktivë në art dhe kulturë (fondacione të pavarura, shoqëri me përgjegjësi të kufizuar, dhe/ose sipërmarrës).
Kërkesat:
● Aplikanti duhet të jetë i regjistruar si person juridik në Regjistrin Qendror të Republikës së Maqedonisë së Veriut;
● Organizata duhet të jetë e regjistruar në pajtim me ligjet e Republikës së Maqedonisë së Veriut;
● Aplikantët e përfshirë në zbatimin e projektit duhet të ketë përvojë paraprake në realizimin e projekteve kulturore dhe artistike, përveç organizatave të përfshira si partnerë në projekt të cilët mund të mos kenë fokus në kulturë dhe arte.
Kush NUK MUND të aplikojë:
● Aplikantë dhe/ose individë që në ndonjë mënyrë mbështesin ose kanë mbështetur sjelljet dhe pikëpamjet diskriminuese, radikale, të dhunshme, raciste ose nacionaliste;
● Aplikanti i cili nuk është i regjistruar në përputhje me ligjet e Republikës së Maqedonisë së Veriut;
● Aplikanti që nuk ka shlyer detyrimet e tij ligjore në lidhje me kontributet, tatimet dhe tarifat publike;
● Organizatat politike, fetare dhe organizatat e themeluara nga organizatat fetare dhe me bazë fetare;
● Individë;
● Institucionet kulturore të themeluara nga Republika e Maqedonisë së Veriut ose njësitë e vetëqeverisjes lokale;
● Zyrat përfaqësuese të organizatave të huaja të regjistruara në Republikën e Maqedonisë së Veriut.
Kjo thirrje synon të forcojë kapacitetet e profesionistëve dhe organizatave kulturore dhe artistike duke mbështetur shkëmbime të strukturuara “job shadowing” që kontribuojnë drejtpërdrejt në zhvillimin profesional dhe organizativ.
Grantet për Job Shadowing ose vëzhgim në punë, mbështesin punëtorët kulturorë me më pak përvojë nga Republika e Maqedonisë së Veriut për të mësuar nga organizata pritëse të etabluara ose profesionistë me përvojë, të ndajnë ekspertizën e tyre me organizatat pritëse nga Republika e Maqedonisë së Veriut. Kjo qasje fleksibël, e orientuar drejt kërkesës u lejon pjesëmarrësve të zgjedhin partnerët bazuar në qëllimet e tyre specifike, duke siguruar shkëmbime përkatëse, të përshtatura dhe me ndikim.
Prioritetet tematike: Nuk ka prioritete tematike të paracaktuara për këtë thirrje. Qasja është e orientuar nga kërkesa dhe është krijuar për t’iu përgjigjur nevojave dhe interesave specifike të profesionistëve dhe organizatave kulturore. Aplikantët inkurajohen të përcaktojnë fushat e tyre të fokusit bazuar në qëllimet, sfidat dhe prioritetet e tyre për zhvillim.
Aktivitetet e pranueshme për financim mund të përfshijnë:
– Eksplorimi i përbashkët i praktikave inovative artistike dhe/ose kulturore përmes bashkë-krijimit të një vepre/prodhimi kulturor ose artistik (ose të shumëfishtë) me një dimension të fortë edukativ. Mundësi për rrjetëzim, që lidhen drejtpërdrejt me qëllimet të shkëmbimit të Job shadowing
– Rritja e kompetencave dhe zhvillimit profesional (shkëmbimi i përvojave ndërmjet kolegëve, mentorimi, trajnimi në punë, punëtori, vëzhgimi i procesit të punës, etj.)
– Hulumtim të synuar dhe punë përgatitore, të lidhura drejtpërdrejt me bashkëpunime të ardhshme ose zhvillimin organizativ.
Financimi maksimal i disponueshëm për zbatimin e projektit është deri në 178,500 MKD. Kohëzgjatja maksimale e shkëmbimit për vëzhgim në punë është 4 javë.
Të gjitha dokumentet e kërkuara për aplikim duhet të dorëzohen në [email protected]. Aplikimet pranohen në mënyrë të vazhdueshme. Nuk ka një afat të caktuar dorëzimi.
Subjekti i emailit: Numri i referencës së thirrjes – Emri i organizatës
Dokumentet e nevojshme për aplikim:
Propozimi i projektit (i vulosur dhe i nënshkruar)
Propozim buxheti (i vulosur dhe i nënshkruar)
Gjendja aktuale jo më e vjetër se 6 muaj
Dokumentet e aplikimit janë në dispozicion në gjuhën maqedonase, angleze dhe shqip.