Целта на овој Повик е да го поддржи развојот и спроведувањето на општествено релевантни современи уметнички проекти коишто придонесуваат за збогатување на културата и промовираат различност во уметничките практики и изрази, решаваат критични општествени прашања и поттикнуваат развој на заедницата.
Целта на овој Повик е да го поддржи развојот и спроведувањето на општествено релевантни современи уметнички проекти коишто придонесуваат за збогатување на културата и промовираат различност во уметничките практики и изрази, решаваат критични општествени прашања и поттикнуваат развој на заедницата.
Овој Повик има за цел да поддржи иницијативи коишто промовираат различност во уметничките практики и изрази, со фокус на општествено ангажираните културни продукции, особено во локалните заедници и во регионите надвор од Скопје. И покрај тоа што се соочуваат со ограничена поддршка и финансирање, овие мали иницијативи обезбедуваат витални платформи за различни перспективи и значајна социјална критика, поттикнуваат дијалог, општествени промени и го засилуваат гласот на маргинализираните групи.
Овој Повик поттикнува директен ангажман со целната публика, особено во помалите заедници каде што честопати недостасуваат такви интеракции. Со поддршка на појавата на нови гласови и зајакнување на граѓаните да ја користат независната културна сцена како платформа за изразување и да ги искажат своите ставови, програмата нуди можности за активно учество во културните содржини. Притоа, тој ја нагласува важноста на граѓанското учество и им овозможува на граѓаните простор да се вклучат во дијалог за општествено релевантни теми.
Проектот „Култура за развој“ ги интегрира еколошката одржливост, родовата еднаквост, социјалната инклузија, различноста и децентрализацијата во сите аспекти на своите активности и управување. Посебен акцент се става на промовирање инклузивни практики кои ги поддржуваат младите, жените, децата и другите маргинализирани групи, додека родовата еднаквост останува важен двигател за креативноста и иновациите.
Кој МОЖЕ да аплицира?
Услови:
Кој НЕ МОЖЕ да аплицира:
Проектот „Култура за развој“ има за цел да ги поддржи културните и уметничките иницијативи коишто ги засилуваат критичките гласови и промовираат инклузија, различност и еднаквост, како одраз на богатата разновидност на населението во Република Северна Македонија. Овој Повик бара проекти коишто развиваат и промовираат алтернативни и критички перспективи, играјќи витална улога во подигањето на свеста и поттикнувањето на јавната дебата за клучните општествени прашања, вклучително инклузијата, еднаквоста и социјалната правда.
Тематски приоритети: Овие проекти треба да негуваат вешти, иновативни и смели уметнички и културни изрази и практики коишто ги предизвикуваат доминантните општествени и политички наративи, истовремено поттикнувајќи го развојот на културната и уметничката сцена во Република Северна Македонија.
Овој Повик е наменет за проекти коишто се фокусираат на различни области на современото културно и уметничко творештво: изведувачки уметности, визуелни уметности, литература, музика, аудиовизуелни уметности, стрипови, фотографија, дизајн, културна политика и управување.
Активностите коишто се подобни за финансирање можат да вклучуваат: изложби, инсталации, изведби, работилници, предавања и/или слични едукативни програми, јавни дебати и дискусии, аудиовизуелна продукција, уметнички и културни истражувања, фестивали итн.
Географска област: Сите активности мора да се одвиваат само во Република Северна Македонија. Програмата за уметнички грантови ќе ѝ даде приоритет на поддршката за организации од независната културна сцена коишто развиваат културни и уметнички содржини коишто одговараат на потребите на локалните заедници надвор од Скопје. Минимум 50% од финансираните проекти мора да се реализираат во градови и региони надвор од главниот град, додека преостанатите средства можат да се доделат на проекти во Скопје. Организациите со седиште во Скопје, исто така, се охрабруваат да аплицираат за проекти коишто се одвиваат надвор од главниот град.
Оваа програма за грантови ја поттикнува соработката помеѓу организациите и културните институции, вклучително и општините, на локално ниво. Таа има за цел да ги поддржи организациите активни во градовите надвор од Скопје за да се справат со потребите и актуелните општествени прашања на локалните заедници преку културно и уметничко изразување. Програмата ги охрабрува апликантите да соработуваат со локалните културни институции за да ги користат јавните простори, на тој начин помагајќи да се намалат трошоците додека се поттикнува соработката. Прифатливите трошоци за копродукции можат да вклучуваат мали инвестиции во техничка опрема, којашто организациите можат да ја купат за јавните културни институции. Оваа опрема потоа би била достапна за употреба од страна на организациите, со што дополнително би се промовирало споделувањето на ресурсите и би се зајакнала соработката помеѓу независниот културен сектор и јавните институции.
Организациите можат да соработуваат на одреден културен и уметнички проект со други организации доколку тоа води до подобро усогласување на целите и поефективно спроведување. Партнерствата не се задолжителни, но тие сепак се охрабруваат, кога тоа е релевантно.
Максималнииот износ на расположливи средства покриени од ХФ за финансирање на проектот изнасува до 857,145 MKD, со времетраење од најмногу 12 месеци.
Сите задолжителни документи за аплицирање треба да бидат поднесени преку [email protected] најдоцна до 31 Октомври 2025 година, до 17:00 часот.
Предмет на е-пошта: Име на организацијата – Име на повикот – Референтен број на повикот
Задолжителни документи за аплицирање:
Предлог-проект (со печат и потпис);
Предлог-буџет (со печат и потпис);
Тековна состојба не постара од 6 месеци.