Bengi Muzbeg kreu studimet n\u00eb nivelet Bachelor dhe Master n\u00eb Ankara dhe mban doktoratur\u00ebn n\u00eb Kinema nga Universiteti i Marmaras\u00eb n\u00eb Stamboll. Pasi punoi p\u00ebr 6 vjet si gazetar n\u00eb Televizionin Publik t\u00eb Kosov\u00ebs RTK, ai filloi t\u00eb punoj\u00eb n\u00eb Fondacionin Lumbardhi n\u00eb Prizren si udh\u00ebheq\u00ebs i programeve t\u00eb arkivave dhe filmave n\u00eb vitin 2022. Bengi fokusohet n\u00eb tema t\u00eb tilla si ideologjia, diskursi dhe manipulimi n\u00eb kinema. N\u00eb k\u00ebt\u00eb studim, Bengi analizon filmin e Srgjan Karanovi\u00e7 \u201cZa sada bez bobrog naslova – Nj\u00eb film pa em\u00ebr\u201d (1988), p\u00ebr sa i p\u00ebrket diskorsit. N\u00eb p\u00ebrdorimin e analiz\u00ebs s\u00eb diskursit merren parasysh zhvillimet politike dhe sociale t\u00eb periudh\u00ebs n\u00eb t\u00eb cil\u00ebn filmi \u00ebsht\u00eb xhiruar dhe shfaqur si pjes\u00eb e objektivit t\u00eb analiz\u00ebs. Ky punim vler\u00ebson se narrativa nacionaliste e zhvilluar n\u00eb fund t\u00eb viteve \u201880 pati ndikim n\u00eb jet\u00ebn e p\u00ebrditshme, n\u00eb gjuh\u00ebn e lajmeve dhe n\u00eb narrativ\u00ebn filmike. Filmi i analizuar u vler\u00ebsua si nj\u00eb p\u00ebrpjekje e guximshme p\u00ebr t\u00eb nxjerr\u00eb n\u00eb pah absurditetin e periudh\u00ebs. Megjithat\u00eb, edhe kur \u201cZa sada bez dobrog naslova\u201d merret me marr\u00ebdh\u00ebniet midis nj\u00eb shqiptari t\u00eb Kosov\u00ebs dhe nj\u00eb serbi, nuk zgjedh ta trajtoj\u00eb k\u00ebt\u00eb konflikt n\u00eb thell\u00ebsi, por vendos \u00e7\u00ebshtje t\u00eb tilla si: praktikat e prodhimit t\u00eb filmit, m\u00ebnyra e funksionimit t\u00eb mediave gjat\u00eb asaj periudhe dhe manipulimi n\u00eb qend\u00ebr t\u00eb filmit.<\/p>\n\n